Home / All / Tulu Nadu Kedasa

Tulu Nadu Kedasa

ತುಳುನಾಡು ದ ಕೆಡ್ಡಸ

ಕೆಡ್ಡಸ ಬತುಂಡುಯೇ ಭೂಮಿಗ್ ಕೆಡ್ಡಸ ಬತುಂಡುಯೇ ಮರಥ ಗೆಲ್ಡ್ ತೆಲ್ಗ್ಲೆ ತೆಗ್ಲಡ್ ತೇರುದ ಸಿಂಗಾರಯೇ
ಮುಂಡೆವುದ ಬಲ್ಲೆಡ್ ನಾಗಮಂಡಳಗೆ ಕುಪುಳುದ ದಿಬ್ಬನಯೇ
ಪುಂಡದ ಪಕ್ಕಿಗ್ ಜ್ವರ ಬರ್ಪುಂಡು ಪಂಡುದು ಗಿಳಿ ಮರ್ದ್ ನಾಡುಂಡುಯೇ

ಪರಪುನ ನೀರ್ಡು ಮುಗುಡುದ ಮುರ್ಕಾಟ ಅಬ್ರೋನಿ ತೆಲಿಪುನ್ಡುಯೇ
ತನ್ನೆ ತೊಡುದು ವಸರೂದ ನೀರ್ಡ್ ಗುಜು ಗುಜು ಪಾತೆರಯೇ

ಕುಂಟ್ಟಾಲ್ದ ಪುದೆಲ್ದ್ ದಿಗಿನ ಪಾಡೊಂದು ಮುಗೆರ್ ಬಳಿಪುಂಡುಯೇ
ಕುಡು ಅರಿ ತಿಂದೊಂದು ಎಳು ಗಟ್ಟಿ ಮಲ್ತೊಂದು ಬೋಂಟೆಗ್ ಪೊವೊಡುಯೇ

ನಾಯೆರ್ ಊರನ್ಡಿ ಕೋಟ್ಟುಡ್ ಕಡ್ಪಂದಿ ಭಕ್ತಿನ್ ತೂವೊಡುಯೇ
ಮೂಜಿ ನೀರ್ ಮೀವೊಂದು ತುಥೈತ ಆವೊಂದು ಭೂಮಿ ಅಪ್ಪೆ ಮದಿಮಾಯೇ
ಕೆಡ್ಡಸ ಬತುಂಡುಯೇ ಭೂಮಿಗ್ ಕೆಡ್ಡಸ ಬತುಂಡುಯೇ ಮರಥ ಗೆಲ್ಡ್ ತೆಲ್ಗ್ಲೆ ತೆಗ್ಲಡ್ ತೇರುದ ಸಿಂಗಾರಯೇ

 

Courtesy : beauty of Tulunadu

About Pavanesh D

Pavanesh D

Leave a Reply