Home / Culture / Festivals / Nagara Panchami

Nagara Panchami

Thenkayi chandragiri suded d badakayi barkooru mutta,paddeyi kadald d  moodayi gattada mudel mutta namma ludari ramana thululunad padrdundu.anda thulu bhashe pateruna thuluver idee jagathdithned datra thulu vishwa thulu bhandhulena bhashe athnd.jagathda matha jagedla nagadeveren nambver.anda bharatodu thulunad dittnaath nagadevere devastanolu,katte,banoklu  bete olla toovere tikkand.namma matha deverla nagana sambandha ithnakle .eshwarana taretitti nage vishnugu hasigeyape.ganapathina banji sutti nage subrahmanyana roopone Aape.agnidurge,vanadurge,shanthadurgena kireetodla nage taana padepe.daivolanthoo nagan bud du ijje ijja.nagag tanu tambila kornda matha daivolegla santrptige.thulunadg ” aluka” nd pudarittnd dumbu .aluka panda sarparaje..anchad thuluver thulunadn nagasrishtida thulunadndla nambonduller.keraladadakshina bago,dakshina kannada jillela serigeyadittna tulunad nagaloka adittndndla panper.naga brahmere anchad thulunad da srishtikartend nambonter.
Nagabrahmer thulunad da srishtikartend nambi janokle suruta parbone “nagara panchemi”.thulunad da matha parbogla moolavayina ee parbo thuluta ati tingolde barundu.thulunad da pratiyonji illadakl la aklakle hiriyer nambondu barontna naga bana ,bana,alade,nagamooladade podu per,gendali bondada abhisheka malpuver,nagag tanu tambila korper.aved dad sirk sankadodithna ati tingolda suruta vaidyer naga devernde panoli.ati tingolda jadi barsogu bathi seekda nivaranegadla nagadevere patra bari mukya aduppundu..
Nagan triptipadisanda namma kutumbogu barpina sirk sankado khanditha dooraavu.daye panda nagana isod du malla isa ijji .nagana arogyada abhayod du malla abhaya ijji.itte cimentd nagana katte kattd nagag avlu uri ushnodu untandlekatnd.nagag neer parapuna tampuda jagene ishta .anchane renjeda mara,sampage mara panda nagag jeeva.thulunad da kudupu,subrahmanya,ballamanja,manjeshwarada nahana devastanolu taggd ulla.daye panda taggd sampu jasti.subrahmanyodu nijavayina naga punchada pursadane tikkundu.avve punchada pursada..dayamaltd yerla punchoda mitt per maipade.nagana vigraha,kallg matre per maipule.daye panda punchogu per maitarda ade pijin battd nagag untandlekavu .avu namak dosha.anchad tattdla punchada mith per maipade.
Nagadeveren nambandina vaa jatinla nagadever budayer .nagan yer hakd kerpera akled d jasti dosha tooyinaklegundu.nage sadid saitittnda avek savu maltd nama naljanoku nuppu korodavu.nagag haknaga namma romadided d begar battleka aita huruped d panda polejid d onji reetida isa neer 10 meeter doora ravu .aa neer yerna meyk boorndala akleg kotta kanditha .anchad nagag yerla himse malpere balli.banta kelasogu onji radd gell kadtndala aa bana yeth bega podyondu panda avek tingolda samaya yavu.naga doshod du kotta,mey karavuna sirk,subba,charma sirk,udaldulai uri usna thoo barpundu,pettolu kanji padande goddapa,ponjanakl banjinalapujer,ponjanakleg madme ijjandapundu,kai kard kempu barpundu,sarpa suthapundu .anchad prathiyorila naga deveren tanu tambila ,per maitd santrpti malpuver . aa moolaka seekd d doora uppuver.
Naga devereg per maipuna dumbunani nama madhu mamsa tinre balli.tarek meyk meeduppodu.nagadevere bhaktid manassdla meed shudda adippodu.perla anchane shudda pethada peraduppodu .anivaryavad pentedakl thotteda per upayoga malpuver .avu ath yedde ath..kutumodu ame soothaka ithnaklu per maipere balli..naga bana ijjandnavlu renje maratadit,illal nagana moorthi,subrahamanya devere moorty ittnda per maipoli..aanda ayinath naga bana,naga kallg per maitnda kutumogu baari yedde .

Namma thulunad da aradhane,daivee deveren nambondu baidna samskriti bari malla samskriti .nama daiva deverena seve malpunath deshada vaa bhagodla eeth shreemantha acharane tikkand.anchad namak bule bhagya kammi atji..nagag va namuneda seve poora undo aven poora shridda bhakthid thuluver mantondu bathned datra akleg jagathd matha bagodla manadige tikkondundu.
Nagara panchemig bari pudarpoina thulunad da thindi panda “manjaldireta adye” .aani hechina thulunad da illal ee adye malpuver.porluda turi boorandna manjaldireta mith banda pathad aveta nadutu pereyina tarai,achibellonu moret deed iren madtd attid beypad bolpugu deveregdeed bokka tinper .tinre ruchi anchane bari kammenala.mamjal panda mast isatha sanketa.avve manjal nanji ayinade oresnda nanji bega kammiyavu .ate ath nagana mey banna manjal .kajipugu paduna manjalda kandela manjale.
ottare aradhane samskritid belagonduppuna thulunadg ” nagara panchemi” surutha parba .aven nama porludu acharane maltd naga devereg tanu tambila kordu vasuki ,naga bermerna mokeg patraraka .bhoomin thumbondi sankapalagna moke padeka

 lekhana-k.mahendra nath salethoor.M.A.

About Pavanesh D

Pavanesh D

Leave a Reply