Home / All / Koteda Babbu Swaami

Koteda Babbu Swaami

ಕೋಟೆದ ಬಬ್ಬು ಸ್ವಾಮಿ ..ಕೋರ್ದಬ್ಬು ಪನ್ಪಿ ಪುಡರ್’ಡ್ ಮಾಮಲ್ಲ ಕಾರ್ನಿಕೊದ ದೈವದ ಪುಟ್ಟು ಪುರಾಪು

https://www.facebook.com/BeautyOfTulunad/videos/739612352824842/

ನಮ್ಮ ತುಳುನಾಡ ಪುನ್ಯ ಮನ್ನ್’ಡ್ ಕೆಮ್ಮನ್ನು ಪನ್ಪಿ ಊರುಡು ಕೊಡಿ ಕೊನ್ಡಲ ಬೂಡು ಬಾರಿ ಪುಗರ್ತೆದವು ..ಆ ಬೂಡುಡು ಕೊಡನ್ಗೆ ಭನ್ನರ್ ಅನ್ಚೆನೆ ಆಪ್ಪೆ ಸಿರಿ ಗಿಂಡೆ ಉಲ್ಲಾಲ್ತಿ ..ಬೂಡುನು ಅನ್ಚೆನೆ ವೊಕ್ಕೆಲ್ ಸಕ್ಕೆಲ್’ನ್ ಪೊರ್ಲುಡೆ ನದಪಾವೊಂದು ಬರೊಂದಿತ್ತೆರ್ .. ಅಕ್ಲೆ ಒಕ್ಕೆಲ್ಡಿತ್ತಿ ತಿರ್ತ ಜಾತಿಡ್ ಪುಟ್ಟಿನ ಕಚ್ಚೂರ ಮಾಲ್ಡಿ ಪನ್ಪಿ ಪುದರ್ದ ಸತ್ಯವನ್ತೆದಿ ಪೊನ್ನು..ಅ ಮಾಲ್ಡಿ ವಿಸ್ಮಯೊಡು ಮಾಯಕೊಡ ಬನ್ಜಿನಲ್ ಆಪಲ್ ..ತಿನ್ಗೊಲು ಬರ್ತಿ ಆಂಡ್ ಆನ್ ಬಾಲೆಗ್ ಜನ್ಮ ಕೊರ್ದು ಪರ ಲೋಕೊಗು ಸಂದುವೊಲು .

ಆನ್ಚ ಗತಿ ದಾಂತಿನ ಆ ಬಾಲೆನ್ ಕಾವನ್ಡೆರ್ ಕೊಡನ್ಗೆ ಬನ್ನಾರ್ ಬೂಡುಗು ಕೊನೊದು ,ಬಬ್ಬು ಪನ್ಪಿ ಪುದರ್ ದೀದ್ ,ತಿರ್ತ ಜಾತಿದಾಯೆ ಪನ್ಪಿ ಭೇದ ಮಲ್ಪಂದೆ ಪೊರ್ಲುಡೆ ತಾಂಕುದು ಮಲ್ಲೆ ಮಲ್ತೆರ್..ಮುಲ್ಪ ಈ ಬಬ್ಬು ಬಾರಿ ಬಿರ್ಸಾದಿಗೆದ ಜವನ್ಯೆ ಆದ್ ಪೂರಾ ವಿಸಯೊಡ್ಲ ಬುದ್ಧಿವಂತೆ ಆದ್ ಬುಲೆಯೆ ..ಸೀಕ್ ಸಂಕಟದಕ್ಲೆಗ್ ಗಿಡ ಮೂಲಿಕೆಡ ಮರ್ದ್ ಕೊರ್ಪಿನ್ಚಿ ಕೈ ಗುನ ಆಯಡ ಇತ್ತಿನೆನ್ ತೂದು .. ಆಯನ್ ಮಾತೆರ್ಲ ವೈದ್ಯನಾತೆ ಪನ್ಡ್’ಡ್ ಲೆತ್ತೆರ್ .ಇಂಚೆನೆ ದಿನ ಪೋವೊಂದಿತ್ತಿಲೆಕ್ಕನೆ ಕಟಪಾಡಿದ ಆರಸುಗು ಬಬ್ಬುನ ಬಿರ್ಸಾದಿಗೆದ ವಿಸಯ ಪೂರಾ ತೆರಿಯುಂಡು …
ಕಟಪಾಡಿದ ಆರಸು ಬಬ್ಬುನ ಮಿತ್ತ್ ನಂಜಿ ಕಾರೊಂದು ಉಪಾಯೊಡು , ಎಂಕ್ಲೆನ ಗೂವೆಲ್ಡ್ ನೀರ್ದ ದಂಡ್ ತೊಜಾರೆಗ್ ಬಬ್ಬುನು ಬರ್ಪಾರೆಗ್ ಕೊಡನ್ಗೆ ಬನ್ನಾರೆಗ್ ಓಲೆ ಕಡಪುಡ್ ದ್ ಬಬ್ಬುನ್ ಕಟಪಾಡಿಗ್ ಬರಿಯೆರೆ ಪನ್ಪೆರ್ .. ಕಟಪಾಡಿಗ್ ಪೊಯಿನ ಬಬ್ಬು’ಡ ಆರಸು ಪನ್ಪೆರ್, ಪೊಸ ಗೂವೆಲ್ ತೊಡಿನೆಟ್ಟ್ ನೀರ್ ಇಜ್ಜಿ..ನೀರ್ದ ದಂಡ್ ಒಲ್ಪ ಉಂಡು ಪಂಡುದು ತೂವೊಲಿಯಾ ಕೇನುವೆರ್ ..ಬಬ್ಬು ನೀರ್’ದ ದಂಡ್ ತೂಯರೆ ಬಲ್ಮೆದ ಮುಕಾಂತರ ಪನ್ಪೆ … ಅದಗ ಅರಸುಲು ಉಂದು ಇಂಚ ಬಲ್ಮೆಡ್ ಪಂಡ ಯಾವಂದ್ ಈ ಗೂವೆಲ್ಗು ಜತ್ತುದು ನೀರ್ದ ದಂಡ್ ತೊಜಾವೋಡು ಪನ್ಪೆರ್ ,ಬಬ್ಬು ಲೆಂಚಿದ ಸಾಯೊಡು ಗೂವೆಲ್ಗ್ ಜತ್ತ್ ‘ದ್ ಮಾಯೋಡೆ ನೀರ್ದ ದಂಡ್ ತೋಜಾವೆ ,ಬಬ್ಬುನ ಮಿತ್ತ್ ನಂಜಿ ಕಾರೊಂದಿತ್ತಿ ಕಟಪಾದಿದರಸು ತನ್ನ ಜನೋಕ್ಲೇನ್ ಕೂಡಾದ್ ಗೂವೆಲ್ಗ್ ಜಪುಡಾಯಿ ಲೆಂಚಿನ್ ಮಿತ್ತ್ ದೆಪ್ಪಾದ್ , ಹಾಸ್ ಕಲ್ಲ್’ಡ್ ಗೂವೆಲ್’ನ್ ಮುಚ್ಚಾವೆ ..ಬಬ್ಬು ಗೂವೆಲ್’ದ ಉಲೈ ಆಪೆ .. ದಾಲ ಮಲ್ಪೆರೆ ಸಾದ್ಯ ಆವಂದೆ ಗುವೆಲ್’ದ ಉಲೈ ಬಬ್ಬು ಬೊಬ್ಬೆ ಪಾಡುವೆ, ಏನನ್ ಮಿತ್ತ್ ಒಯಿಪುಲೆ ಪಂಡೊಂದು ಕೋರಿದ ಸ್ವರೊಟ್ಟು ಕೆಲೆಪುವೆ.. ಕೈಕನ್ಜಿ ಸ್ವರೊಟ್ಟು ಅರೆದುವೆ..ಪುಚ್ಚೆದ ಸ್ವರೊಟ್ಟು ಬುಲಿಪುವೆ.. ಅಪಗ ಕಾರ್ನಿಕೊಡ ದೈವೊಲಾಯಿನ ಪಿಲಿಚಾಮುಂಡಿ , ಕೊಡಮಂದಾಯ .. ಡೈವೊಲೆಗ್’ಲ ಆಸಿ ಕಲ್ಲ್’ನ್ ಪನ್ಡಾಯೆರೆ ಆಪುಜಿ..ಕಾರ್ನಿಕೊದ ಕೊಟಿ ಚೆನ್ನಾಯೆರೆಗ್’ಲಾ ಆ ಹಾಸ್ ಕಲ್ಲ್ ನ್ ಪಂದಾಯರೆ ಆಪುಜಿ..

ಆ ಪೊರ್ತುಡು ತನ್ನಿ ಮಾನಿಗ ಆ ಸಾದಿ ಬರಿಯೆ ಪೋವೊಂದಿಪ್ಪುನಗ ಗೋವೆಲ್ದುಲೈರ್ದ್ ಕೋರಿ ಕಿಲೆಪುನ ,ಪುಚ್ಚೆ ಬುಲಿಪುನ ಸ್ವರ ಕೇನ್ನಗ ಈ ಏರ್ ಪಂದ್ ಕೇನುವಲ್ ..ಆಪಗ ಬಬ್ಬು ಪನ್ಪೆ,ಎನನ್ ಮೋಸೊಡು ಗೂವೆಲ್ದ ಉಲೈ ಜಪುಡಾದ್ ಮಿತ್ತ್ ಬರನ್ಡಿಲೆಕ್ಕ ಹಾಸ್ ಕಲ್ಲ್ ಪಾಡ್ ದ್ ಮುಚ್ಚಿಯೆರ್ ..ಏನನ್ ಮಿತ್ತ್ ದೆಪ್ಪುಲೆ ಪನ್ಪೆ ..ಪೊನ್ನು ಪೊನ್ಜೊವು ಆದಿತ್ತುಂಡ ತಂಗಡಿ ಪಲಿ ಪಂಡುದ್ ಎನ್ನುವೆ ..ಆನ್ ಆನ್ಜೊವು ಆದಿತ್ತುಂಡ ಮೆಗ್ಯೆ ಪಲಯೆ ಪನ್ಡ್’ಡ್ ಎನ್ನುವೆ .ಎನನ್ ಮಿತ್ತ್ ಪಾಡ್ಲೆ ಪಂಡೊಂದು ನಟ್ಟೊನುವೆ ..ಆಪಗ ಆಪ್ಪೆ ಮಾನಿಗ ಅಲೆಡ ಇತ್ತಿ ಗೆಜ್ಜೆ ಕತ್ತಿಡ್ ಹಾಸಿ ಕಲ್ಲುಗ್ ಪದಿನಾಜಿ ಗೆರೆ ಗೀರ್ವಲ್..ಆ ಕಲ್ಲ್ ಸೆಲೆ ಬುಡ್ಪುಂಡು ಗೂವೆಲ್ಗ್ ಮುಚ್ಚಿ ಕಲ್ಲ್ ದರಿದ್ ಬಬ್ಬುಗು ಬೊಲ್ಪು ತೋಜುಂಡು ..ಅಪಗಾನಗ ಆ ಪೊರ್ತುಗು ಮಾನಿಗ ಪನ್ಪಲ್ ಬಬ್ಬುಡ ನಿನನ್ ಯಾನ್ ಎನ್ನ ಒಪ್ಪ ಪುಟ್ಟಿನ ತಗೆ ಪನ್ಡ್’ದ್ ಎನ್ನಿದ್ ಯಾನ್ ಎನ್ನ ತುತ್ತಿ ಸೀರೆನ್ ಜಪುಡಾವೆ..ಅವೆನೆ ಅಧಾರ ಮಲ್ತೊಂದು ಮಿತ್ತ್ ಬಲ .. ಆಂಡ ಮಿತ್ತ್ ಬನ್ನಗ ಎನನ್ ತೂವಡ, ಈ ತೂಯಾನ್ದಾಂಡ ದೋಷ ಬರು ಬಬ್ಬು ಪಂಡುದು ಮಾನಿಗ ಪನ್ಪಲ್ ..ಆವು ಪಂಡುದು ಬಬ್ಬು ಮಾನಿಗೊ ಜಪುಡಾಯಿ ಸೀರೆನ್ ಪತೊಂದೆ ಮಿತ್ತ್ ಬರ್ಪೆ. ಮಿತ್ತ್ ಬರೊಂದಿತ್ತಿ ಬಬ್ಬು ಮಾನಿಗನ್ ತುಡ್ರುವೆ..ಅಪಗ ಮಾನಿಗ ಕೋಪೊಡು ..ನಿನಡ ಯಾನ್ ಪನ್ಡಿನ ಪಾತೆರೊನು ಮೀರ್’ದ್ ಪೋಯ ..ಈ ಮಲ್ತಿ ತಪ್ಪುಗು ಶಿಕ್ಷೆ ಆವೊಡು ಪನ್ಪೊಲು ..ಆಪಗ ಬಬ್ಬು ಮಲ್ತಿ ತಪ್ಪುಗೊಸ್ಕರ ಮುನ್ಡೊನು ಕೊಚ್ಚೊಂದು ನೆತ್ತೆರ್ದ ಓಕುಲಿನೆ ಜಪುಡಾವೆ ..ಉಂದೆನ್ ನಮ (ಕೊರ್ಡಬ್ಬು’ನ ಕೊಲೊಡು’ಲಾ ಆಯೆ ಮಲ್ತಿ ತಪ್ಪುಗು ಕಡ್ಸಲೆಡ್ ಕಟ್ಟಿ ಮಾನಿ ಮುನ್ಡ ಕೊcಚೊನ್ನ ಕಟ್ಟ್ ತೂವರೆ ತಿಕ್ಕುಂಡು ) ಅಲ್ಪೊರ್ದು ಬೊಕ್ಕ ತಗೆ ತಂಗಡಿ ಕಾಯೊನು ಬುಡ್’ದು ಮಾಯೊನ್ ಸೇರೊಂದು ಕಾರ್ನಿಕದ ದೈವೊಲಾದ್ ತುಳುನಾಡೊರ್ಮೆ ಮೆರೆಯೊಂದು ಬರ್ಪೆರ್. Video : BEAUTY OF TULUNAD

Koteda Babbu Swaami..Kordabbu..Vaidhyanathe panpi pudar’da mamalla kaarnikoda Daivada puttu purapu : nama Tulunada punnya mann’d kemmannu panpi oorudu kodi kondala boodu baari pugarthedavu..Aa boodudu kodange Bannar anchene Appe Siri Ginde ullaldi..boodunu anchene vokkel sakkel’n porlude nadapaavondu baronditther.. Aakle vokkel’d thirtha jaathid puttina kacchura maldi panpi pudar’da sathyavanthedi ponnu..Aa maldi vismayodu maayakoda banjinal aayal..thingolu barthi aad vonji Aan baaleg janma kordu para lokogu sandiyolu..

Ancha gathi daanthina aa baalen kavander Kodange Bannar boodugu konodu, Babbu panpi pudar deed,thirtha jaathidaaye panpi bedha yennyande porlude thaank’d malla malther.. Mulpa ee Babbu baari ushar’da javanye aad pooraa visayoda bagge theriyonnanchina buddivanthe aaye..Seek sankadadakkleg gida moolikeda mardh korpinchi kai guna batth’nd..Ancha aayan matherla vaidhyanathe pand’d letther..Inchene dina povonduppunaga katapadi’da Arasugu babbuna visaya pooraa therind..

Ancha Katapadi’da Arasu nanjid upaayodu,kodange bannareg vole bared kadapud’d bariyere pander..Ancha Katapadig poyina babbu’da Arasu pander, posa guvel thodinett neer ijji..neer’da dand volpa undu pand’d thuvoliyaa pand’d..Babbu neer’da dand thuyere, lenchi japud’d guvel’g jatthe,jatthi saathge Arasuna janakulu lenchin detth’d aasi kall’d guvel’n mucchiyer..Babbu guvel’da ulai aaye..Kodange bannar daala malpere sadhya aavande pirapa poyer..Ancha aa guvel’da ulai babbu bobbe paaduve,yanan voripule mitth voipule pand’d kori’da swarottu kelepuve.. kai kanji swarottu aredhuve..pucche’da swarottu bulipuve.. Ancha mamalla kaarnikoda daivolu aayinchitthi pilchaandi, kodamandaye..va daivoleg’la aasi kall’n pandaayere aapuji..Karnikoda koti chennaayereg’laa aapuji..

Aa porthudu alpa Thanni Maanigo povonduppunaga kori kelepuna, pucche bulipuna swara kend’d yer ee pand’d kenuval..Apaga Babbu panpe,yenan mosodu guvel’da ulai japudaad mitth barandilekka aasi kall padiyer..yenan guveld’d mitth deppule..ponnu ponjovu aaditthn’da thangadi pali pand’d yennyuve..Aan aanjovu aaditthn’da meghye palaye pand’d yennyuve..yanan voripule pand’d..Apaga Appe Maanigo aale gejjatthid padinaaji gere geerval..Aasi kall sele bud’du guvel’g mucchi kall budpundu..Aa porthugu Maanigo panpal Babbu’da, ninan yena voppa puttina thage pand’d yennid yan thutthi seeren japudaave..aven path’d mitth bala.. Aanda mitth banaga yenan thuvada, dosa baru pand’d..Babbu aavu pand’d votthondu maanigo japudaayi seeren patth’d mitth barpe..Mitth bannaga rappa Maanigan thudruve..Aa saath’g Maanigo kopodu kumbarval..ninada yan pandina patheronu meer’ya..ninna thappugu sikse aavodu pand’d..Apaga Babbu malthi thappugoskara mundonu kocchondu netther’da daare jappundu..(kordabbu’na kolodu’laa aa malthi thappugu kadsaled katti maani munda kocchonna katt undu) Ancha aa thage thangadi kaayonu bud’du maayodaavondu kaarinkoda Daivolaaper.. Nambi Samsaarada kaitt kola bali seven dethonuver..Swaami Vaidhyanatha..ninna nambi samsaara sarveren’la kaap rakshane malpula…

© Photo Seve : Ranjith Shetty
© Kathe Seve : Anne Rajkumar Kuckian

About Pavanesh D

Pavanesh D

Leave a Reply