Don't Miss
Home / All / Barsa

Barsa

ಸಾರ ಸಾರ ಮೋಡೊಲು ಸಾದಿ ಪತ್ತಿ ಬಾನೊಡು
ಪೊಸತ್ತೊಂಜಿ ರಂಗೇರ್ದ್ ಪನಿ ಬರ್ಸ ಜತ್ತ್ಂಡ್
ಮೆಲ್ಲ ಮೆಲ್ಲ ಪಜ್ಜೆಡ್ ನಡಪುನ ಪೊರ್ಲುಗು
ಬಾನನೆ ದುಂಬತ್ತ್ ಪನ್ನೀರ್ ತಲ್ತ್ಂಡ್..

ಮೂಜಿ ಲೋಕಡ್ಲ ತೊಜಂದಿ ಪೊರ್ಲಾಲ್ನ
ಭೂಮಿ ಅಪ್ಪೆಗ್ ಸಮ ಸರಿ ಗುಣ ಆಲ್ನ
ಮನ್ಮಥನರಸಿಲ ಸೋಪುನ ಸೊಬಗ್
ಯಾನೆ ಅರಸೆ ಅಲೆನ ಮಲ್ಲಿಗೆದುಡಲ್’ಗ್

ಚಂದ್ರನ ಕಲೆನೇ ತೋಜುಂಡು ಮೋನೆಡ್
ಎನ್ನೊಂಜಿ ಬಿಂಬಲ ಅಲೆನ ಕಣ್ಣ್’ಡ್.
ಪಗೆಲ್ ದೇವೆರೆ ಕಾಂತಿದ ಪೊನ್ನಗ್
ಮುಂದಲೆದೈಸಿರ ಅಲೆನ ರೂಪಗ್

ಉಡಲ ಪಲ್ಲೆಂಕಿಡ್ ತೂಂಕುದು ಅಲೆನ್
ಮೋಕೆದ ಬರ್ಸನೆ ದೋರ್ಪುವೆ ಯಾನ್
ಅನುದಿನ ಎನ್ನ ನಿದಿರೆದ ಕನಟ್ಟ್
ಬಂಗಾರ್ದ ತೇರೇರ್ದ್ ಬರ್ಪಲ್ ಆಲ್

# ಇಂಚೇನೆ ಗೀಚಿನಿ :ಭವಿಷ್ ಶೆಟ್ಟಿ

About Pavanesh D

Pavanesh D

Leave a Reply